নিয়মীয়া বাৰ্তা, ১৫ ডিচেম্বৰঃ বগীনদী আৰক্ষী থানাৰ অন্তৰ্গত বালিজানৰ ১৫ নং ৰাষ্ট্ৰীয় ঘাইপথত আজি পুৱাতেই সংঘটিত হোৱা এক পথ দুৰ্ঘটনাত এজন কিশোৰ নিহত হৈছে। নিহত কিশোৰজন কাকৈ ৰাজগড় গোহাইঁ গাৱঁৰ অতুল বৰদলৈৰ পুত্ৰ বিকি বৰদলৈ। ঘটনাৰ বিৱৰণী মতে, বগীনদী দিশেৰে গৈ থকা AS 07H 4926 নম্বৰৰ গ্লেমাৰ বাইকখনে বালিজানৰ পেট্ৰল পাম্পত তেল ভৰাবলৈ পথ অতিক্ৰম কৰোতে, একে দিশেৰে গৈ থকা AS07N 3848 নম্বৰৰ বলে’ন গাড়ীখনে পিছফালৰ পৰা প্ৰচণ্ড ভাৱে খুন্দা মৰাত, নিজ পিতৃৰ সৈতে একেলগে বাইকত গৈ থকা নিহত কিশোৰজন বহু দুৰলৈ চিটিকি ৰাজপথত পৰি যোৱাৰ ফলত গুৰুতৰ ভাৱে আহত।
এই ঘটনাৰ পিছতে বগীনদী আৰক্ষীয়ে ঘটনাস্থলীত উপস্থিত হৈ আহত কিশোৰজনক উদ্ধাৰ কৰি উন্নত চিকিৎসাৰ বাবে লখিমপুৰ চিকিৎসা মহাবিদ্যালয়লৈ প্ৰেৰণ কৰে, যদিও গুৰুতৰ ভাৱে আঘাতপ্ৰাপ্ত কিশোৰজনক লখিমপুৰ চিকিৎসা মহাবিদ্যালয় কৰ্তৃপক্ষই ডিব্ৰুগড়লৈ প্ৰেৰণ কৰাত চিকিৎসালয়লৈ নিয়াৰ পথত আধাবাটতে কিশোৰজনৰ কৰুণ মৃত্যু হয় বুলি জানিব পৰা গৈছে।
প্ৰেৰক ভূবন গৌতম