নিয়মীয়া বাৰ্তা, ৭ মে’ ঃ বঙাইগাও জিলাৰ বিদ্যাপুৰত আজি পুৱা এক ভয়ংকৰ পথ দুৰ্ঘটনা সংঘটিত হয়। তালগুৰী বাসুগাও গড়কাপ্তানী পথৰ সংঘটিত এই পথ দুৰ্ঘটনাটোত পাচ গৰাকীকৈ লোক আহত হয়। ইয়াৰে দুজনৰ অৱস্থা সংকটজনক বুলি জানিব পৰা গৈছে। আহত পাঁচগৰাকী লোক কেইগৰাকী হ’ল জহুৰা বিবি(৫৫),নৱজ্যোতি নাথ(২৬),বিপ্লৱ ৰায়(৩০),আহেৰ আলী(৩২), আৰু আৰিফুল হ’ক(৫)। প্ৰত্যক্ষ দৰ্শী লোকৰ পৰা জানিব পৰা মতে দুৰ্ঘটনা সংঘটিত কৰা তীব্ৰবেগী ডাম্পাৰ খনে নম্বৰ NLD20 3181 ট্ৰেক্টৰ এখনক খুন্দিয়াই তাৰ পিছতে মেজিক আৰু দুখনকৈ বাইকক খুন্দিয়ায়। দুৰ্ঘটনা সংঘটিত কৰা ডাম্পাৰ খনৰ নম্বৰ এন এল ডি ২০-৩১৮১ । স্থানীয় ৰাইজৰ অভিযোগ অনুসৰি এই পথটিত বহুদিনৰ পৰা ডাম্পাৰৰ দৌৰাত্মত ত্ৰাহিমধুসুদন দেখি আহিছে।
প্ৰেৰক: ৰুবুল কান্তি দাস