নিয়মীয়া বাৰ্তা ৩১ অক্টোবৰ : ৰাষ্ট্ৰীয় একতা দিৱসৰ লগত সংগতি ৰাখি তিতাবৰ মহকুমাৰ বেকাজান গাঁও পঞ্চায়ত আৰু অসম ৰাজ্যিক গ্ৰামীণ জীৱিকা অভিযান চমুকৈ ASRLMৰ উদ্যোগত আজি পুৱা অনুষ্ঠিত হয় ৰাষ্ট্ৰীয় একতা দৌৰ কাৰ্যসূচী। বেকাজানৰ ৰাজহুৱা প্ৰেক্ষাগৃহৰ চৌহদত পুৱা ৭ বজাত অসম ৰাজ্যিক গ্ৰামীণ জীৱিকা অভিযানৰ বহুকেইগৰাকী মহিলা আৰু স্থানীয় সচেতন লোক সমবেত হৈ এই দৌৰ কাৰ্যসূচী ৰূপায়ণ কৰে। বেকাজান পঞ্চায়তৰ সভানেত্ৰী ব’হাগী ৰেগন টাকুৱে কাৰ্যসূচীটোৰ আঁত ধৰাৰ লগতে ইয়াৰ উদ্দেশ্যৰ সম্পৰ্কত চমু ভাষণ প্ৰদান কৰে।