নিয়মীয়া বাৰ্তা, ১৬ মাৰ্চঃ ডিব্রুগড় বিশ্ববিদ্যালয়ৰ ইংৰাজী বিভাগৰ দ্বিতীয় ষাণ্মাসিকৰ ছাত্রী অভিলাষা বৰুৱাই ১৩ মার্চত ডিব্রুগড় বিশ্ববিদ্যালয়ত অনুষ্ঠিত ২০২০ বর্ষৰ সৌন্দর্য প্রতিযোগিতাত অংশগ্রহণ কৰি মিছ ডিব্রুগড় ইউনিভার্ছিটী–২০২০ খিতাপ অর্জন কৰাৰ বাবে অভিলাষাৰ জন্মভূমি মাজুলীত আনন্দৰ উল্লাস পৰিলক্ষিত হৈছে৷ সকলো দিশতে আগবঢ়া মেধাৱী ছাত্রীগৰাকীৰ উজ্জ্বল ভৱিষ্যৎ কামনা কৰিছে মাজুলী মহকুমা ছাত্র সন্থাৰ সভাপতি অজিত হাজৰিকা, সম্পাদক বিতোপন শর্মা, মাজুলী জিলা জাতীয়তাবাদী যুৱ–ছাত্র পৰিষদৰ সভাপতি জগত হাজৰিকা, মাজুলী জিলা আপকুৰ সভাপতি জীৱন বৰুৱা, মাজুলী আউনীআটী হেমচন্দ্র উচ্চতৰ মাধ্যমিকৰ অধ্যক্ষ কৰুণা বৰা, মাজুলী সাংস্কৃতিক মহাবিদ্যালয়ৰ অধ্যক্ষ ৰঞ্জিত কুমাৰ ভূঞা আদিৰ লগতে কমলাবাৰী অঞ্চলৰ নাগৰিক সমাজে অভিনন্দন জনাইছে৷ মাজুলীলৈ গৌৰৱ কঢ়িয়াই অনা অভিলাষা মাজুলীৰ নতুন প্রজন্মৰ এগৰাকী বিশিষ্ট সমাজকর্মী প্রতাপ বৰুৱা আৰু মুন বৰুৱাৰ একমাত্র কন্যা৷