নিয়মীয়া বাৰ্তা, ১৯ জানুৱাৰীঃ মৰিগাঁও জিলাৰ মিকিৰভেটা থানাৰ অন্তর্গত পটুৱাকটা মিলনপুৰ চাৰিআলিত যোৱানিশা প্রায় ১০ বজাত আৰক্ষীয়ে এ এছ–০১ এল চি–৩৩৪৬ নম্বৰৰ ড্রাকখনৰ পৰা ২২টা চোৰাং গৰু জব্দ কৰে৷ আৰক্ষীয়ে চালকসহ ৩জন লোকক আটক কৰি জালুগুটি আৰক্ষী পহৰা চকীত ৰাখে৷ অভিযোগ মতে মৰিগাঁও জিলাৰ হালধিবাৰী গাঁৱৰ চুৰি গৰু ছিণ্ডিকেটৰ চর্দাৰ আলী উপাধিৰ লোকজনৰ ছত্রছায়াত দীর্ঘদিন ধৰি গৰুৰ ছিণ্ডিকেট চলি আছে৷ জালুগুটি আৰক্ষী পহৰা চকীৰ আৰক্ষীয়ে এটা গোচৰ পঞ্জীয়ন কৰে৷