নিয়মীয়া বাৰ্তা, ৪ মাৰ্চঃ মৰিয়নীত সেনাৰ বেশত ডকাইতি চলোৱা দুৰ্বৃত্তক আটক কৰে আৰক্ষীয়ে। ৪জনীয়া ডকাইতৰ দলে সঞ্জয় আগৰৱালা নামৰ এজন ব্যৱসায়ীৰ ঘৰত প্ৰৱেশ কৰি লুটপাত চলাইছিল। ধৃত চমশ্বেৰ সিং, গুৰমিত সিং, জগেন্দ্ৰ সিং আৰু জুকটাব সিঙক আটক কৰে আৰক্ষীয়ে। ডকাইতৰ দলটোৱে নিজকে কৰ বিভাগৰ বুলি চিনাকি দি ব্যৱসায়ীজনৰ ঘৰত প্ৰৱেশ কৰিছিল। পৰিয়ালৰ প্ৰতিজন সদস্যৰ পৰা মোবাইল ফোন কাঢ়ি এটা কোঠাত বন্দী কৰি লুটপাত চলায় ডকাইতৰ দলটোৱে।
কিন্তু ডকাইতৰ দলটোক হাতে-লোটে কৰায়ত্ত কৰিবলৈ সক্ষম হয় স্থানীয় ৰাইজ। ৰাইজে ডকাইতকেইটাক খেদি যোৱাত ভোগদৈ দলঙৰ সমীপত ৰাইজলৈ লক্ষ্য কৰে চাৰি জাঁই গুলী চালনা কৰে। ফলত সঞ্জয় ৰায় নামৰ এজন কৰ্মচাৰী গুলীবিদ্ধ হয়, লোকজনক ততালিকে JMCH ভৰ্তি কৰোৱা হৈছে আনহাতে ৰাইজে উদ্ধাৰ কৰে অভিযুক্ত চমশ্বেৰ সিঙৰ পৰা এটা হস্ত নিৰ্মিত পিষ্টসহ গুলী উদ্ধাৰ কৰে। আনহাতে গোলঘাটৰ পৰা উদ্ধাৰ কৰে ডকাইতিত ব্যৱহৃত ছুইফট গাড়ীখন।