নিয়মীয়া বাৰ্তা, ০৪ জুনঃ বঙাইগাঁও জিলাৰ বইটামাৰী উন্নয়ন খণ্ডৰ অন্তৰ্গত যোগীঘোপাৰ কাবাইটাৰীত আজি অভয়াপুৰী দক্ষিণ সমষ্টিৰ বিধায়ক প্ৰদীপ সৰকাৰে এটি আদৰ্শ অংগনৱাড়ী কেন্দ্ৰৰ আধাৰশিলা স্থাপন কৰে ।এই উপলক্ষে আজি কাবাইটাৰী পঞ্চম খণ্ড গাঁৱত বিধায়ক প্ৰদীপ সৰকাৰ উপস্থিত থাকি অংগনৱাড়ী কেন্দ্ৰটোৰ আনুষ্ঠানিক ভাৱে আধাৰশিলা স্থাপন কৰে ।২০২০-২১ বিত্তীয় বৰ্ষৰ আই চি ডি এছ আঁচনিৰ অধীনত ২৫ লাখ টকা ব্যয় সাপেক্ষে নিৰ্মাণ কৰিবলগীয়া আদৰ্শ অংগনৱাড়ী কেন্দ্ৰটোৰ আধাৰশিলা স্থাপন কৰি এই আদৰ্শ কেন্দ্ৰটোৰ পৰা স্থানীয় কন কন শিশু উপকৃত হব বুলি বিধায়ক গৰাকীয়ে মত পোষণ কৰে।উক্ত অনুষ্ঠানত বইটামাৰী উন্নয়ন খণ্ডৰ খণ্ড উন্নয়ন বিষয়া চন্দনা দাস, বইটামাৰী আঞ্চলিক পঞ্চায়তৰ সভানেত্ৰী অঞ্জলি সিদ্ধাৰ লগতে বিভাগীয় কতৃপক্ষ উপস্থিত থাকে।