নিয়মীয়া বাৰ্তা, ৪ জানুৱাৰীঃ লাওখোৱা অভয়াৰণ্যৰ বনকৰ্মী মহম্মদ ইছলামক আজি সন্ধিয়া গড়াজান বজাৰৰ পৰা বজাৰ কৰি বন শিবিৰ লৈ গৈ থকা অবস্থাত মথাউৰিৰ ওপৰত দলবদ্ধ আক্ৰমণ কৰে চোৰাং মাছমৰীয়াৰ দলে। বনকৰ্মী জনৰ অবস্থা অতি সংকটজনক । উল্লেখ্য যে লাওখোৱা অভয়াৰণ্যৰ বিল খালত চোৰাং কৈ মাছ ধৰিব নিদিয়াত আজি সন্ধিয়া চোৰাং মাছ মৰীয়া সকলে অকলশৰীয়া বন কৰ্মী জনক মথাউৰিৰ ওপৰত দলবদ্ধ আক্ৰমণ কৰে। ইতিমধ্যে আহত বনকৰ্মী জনক ততাতৈয়াকৈ দগাওঁ চিকিৎসালয়লৈ প্ৰেৰণ কৰিছে। সম্প্ৰতি বনবিভাগে জুৰীয়া আৰক্ষী থানাতো এক এজাহাৰ দাখিল কৰিছে। বনকৰ্মী সকলে নিৰাপত্তাহীনতাত ভুগি থকা বুলি অভিযোগ তুলিছে ৷