- ৰাইজৰ ৰোষত অগ্নিনিৰ্বাপক বাহিনী।
নিয়মীয়া বাৰ্তা, ২১ এপ্ৰিল :মৰিগাঁও জিলাৰ লাহৰীঘাটৰ দক্ষিন চেনীমাৰীত যোৱা নিশা সংঘটিত হোৱা ভয়ংকৰ অগ্নিকাণ্ডত বিস্তৰ ক্ষতি সাধন হয় । এই অগ্নিকাণ্ডত ৫টাকৈ বাসগৃহ সম্পূণৰূপে ভস্মীভূত হয় ।অগ্নিনিৰ্বাপক বাহিনীৰ গাড়ী পলমকৈ উপস্থিত হোৱাত এক উত্তপ্ত পৰিস্হিতিৰ সৃষ্টি হয় আৰু উত্তেজিত ৰাইজে অগ্নিনিৰ্বাপক বাহিনীৰ গাড়ীত শিলগুটি দলিয়াই কিছুপৰিমানে ক্ষতি সাধন কৰে। এই অগ্নিকাণ্ডত গাঁও খনৰ মাইনুল হক,আব্দুল ছহিদ,খাইৰুল ইছলাম, বাশ্বাৰ আলী আৰু ইনামূল হকৰ বাসগৃহ কেইটা নিমিষতে জুইত ভস্মীভূত হয় ।স্থানীয় ৰাইজে জুই কিছু পৰিমানে নুমুৱালৈ সক্ষম হৈ যদিও পলমকৈ উইস্থিত হোৱাত ৰাইজ উত্তেজিত হৈ পৰে। অগ্নিনিৰ্বাপক বাহিনীৰ গাড়ী উত্তেজিত ৰাইজে পাথৰ শিলগুটি নিক্ষেপ কৰে ।উত্তেজিত ৰাইজে অগ্নিনিৰ্বাপক গাড়ীখন ক্ষতিগ্ৰস্ত কৰে ।এই অগ্নিকাণ্ডত কেবালক্ষাধিক টকাৰ ক্ষয়ক্ষতি হোৱা বুলি জানিব পৰা গৈছে ।ঘটনাস্থলীত লাহৰীঘাট আৰক্ষী উপস্থিত হৈ পৰিস্থিতিৰ কিছু পৰিমানে নিয়ন্ত্ৰণ কৰে ।