নিয়মীয়া বাৰ্তা, ১৮,মাৰ্চ : কোকৰাঝাৰ জিলা ধুবুৰী জিলাৰ সীমান্তৱৰ্তী সাপটগ্ৰাম চহৰত বাঙালী যুব ছাত্ৰ ফেডাৰেচনৰ সাপটগ্ৰামৰ আঞ্চলিক সমিতি আৰু সাপটগ্ৰাম সংহতি কালচাৰেল ইনষ্টিউট যৌথভাবে দৌল উৎসবৰ লগত সংগতি ৰাখি বসন্ত উৎসবৰ আয়োজন কৰে। এই উপলক্ষে কাৰ্যসূচী অনুসৰি উপস্থিত থকা মহিলা অংশগ্ৰহণকাৰীসকলে বসন্ত উৎসব সন্মানীয় বিভিন্ন নিত্য পৰিবেশ কৰি উপস্থিত থকা বসন্ত উৎসবপ্ৰেমী ৰাইজক উৎসাহিত কৰি তোলে। এই অনুষ্ঠানতে বিশিষ্ট অবসৰপ্ৰাপ্ত শিক্ষক তথা জেষ্ঠ সাংবাদিক প্ৰদীপ কুমাৰ দেই সংগীত পৰিবেশন কৰি উপস্থিত থকাসকলক আনন্দৰ উছাহ যোগায়।লগতে আন আনসকলে বসন্ত উৎসবৰ বিভিন্ন গীত পৰিবেশন কৰে। এই অনুষ্ঠান সামগ্ৰীকভাবে পৰিচালনা কৰি বসন্ত উৎসবৰ তাৎপৰ্য সম্পৰ্কে বক্তব্য দিয়ে বাঙালী যুব ছাত্ৰ ফেডাৰেচনৰ সাপটগ্ৰাম আঞ্চলিক সমিতিৰ সভাপতি মানিক বোস।আজিৰ এই অনুষ্ঠানত উপস্থিত থাকি বক্তব্য আগবঢ়ায় সাপটগ্ৰাম বেঙলি হায়াৰ চেকেন্ডাৰী স্কুলৰ শিক্ষিকা চম্পা ভৌমিক,সাপটগ্ৰাম টাউন কমিটিৰ প্ৰক্তন চেয়াৰপাৰসন মিনতি সৰকাৰৰ লগতে আন আন কৰ্মকৰ্তাসকলে।