নিয়মীয়া বাৰ্তা, ৪ ফেব্ৰুৱাৰীঃ মহানগৰীৰ সমীপৱৰ্তী সোণাপুৰত ভয়ংকৰ দুৰ্ঘটনা। ৰহাৰ পৰা গুৱাহাটী অভিমুখী এখন বাহনে নিয়ন্ত্ৰণ হেৰুৱাই খুন্দা মাৰে পথৰ কাষৰ এডাল প্ৰকাণ্ড গছত। দুৰ্ঘটনাত থিতাতে নিহত হয় ৰহাৰ টোপাকুছিৰ পদুমী দাস নামৰ এগৰাকী মহিলা। আনহাতে দুৰ্ঘটনাটোত গুৰুতৰভাৱে আহত হয় গাড়ীখনৰ চালকসহ আন এগৰাকী মহিলা। আহত মহিলাসহ চালকজনক ভৰ্তি কৰোৱা হৈছে হাস্পতালত।
