নিয়মীয়া বাৰ্তা, ১০ এপ্ৰিল: ঢকুৱাখনা মহকুমাৰ প্ৰধান মফচলীয় চহৰ সোণাৰি চাপৰিত আজি কেজিবিএম ( কুশল গগৈ বাসন্তী মৰাং ) ফিলিং ষ্টেচন নামৰ এটা পেট্ৰল ডিপুৰ শুভ উদ্বোধন কৰাত অঞ্চলটোৰ এক দীৰ্ঘ দিনীয়া সমস্যাৰ অন্ত পৰে ৷ ঢকুৱাখনা মাজুলী সংযোগী জালভাৰী সোমদিয়া লোক নিৰ্মাণ বিভাগৰ পথৰ কাষত সোণাৰি চাপৰি টাউন হাইস্কুলৰ সমীপত দিনৰ ১১ বজাত গায়ন বায়নেৰে ফিটা কাটি শুভ উদ্বোধন কৰে ঢকুৱাখনাৰ বিশিষ্ট সমাজ কৰ্মী ছবিলাল জৈনে ৷ উদ্বোধনী অনুস্থানত ঢকুৱাখনা আৰু সোণাৰি চাপৰি অঞ্চলৰ বহুসংখ্যক বিশিষ্ট সমাজ কৰ্মীৰ লগতে কেজিবিএম ফিলিং ষ্টেচনৰ স্বত্বাধিকাৰী দেবাংঙ্গ ভুষণ গগৈৰ পিতৃ মাতৃ কুশল গগৈ আৰু বাসন্তী মৰাং গগৈয়ো উপস্থিত থাকে ৷