নিয়মীয়া বাৰ্তা, ১৮ এপ্ৰিল: ঢকুৱাখনা মহকুমাৰ সোণাৰি চাপৰি আৰক্ষী চকীৰ সমীপত দেওবাৰে নিশা সংঘটিত হোৱা এক ভয়ংকৰ দুৰ্ঘটনাত এখন টংকাৰৰ চালক সহ তিনিজন লোক কম বেছি পৰিমাণে আহঁত হয় । নিশা প্ৰায় ১০ বজাত জালভাৰী সোমদিয়া পথেৰে মাজুলী অভিমুখে গৈ থকা এএছ২২চি ৭৩৪৬ নম্বৰৰ ডিজেল ভৰ্তি টেংকাৰখনে সোণাৰি চাপৰি আৰক্ষী চকীৰ সমীপতে নিয়ন্ত্ৰণ হেৰুৱাই প্ৰশান্ত চুতীয়া নামৰ ব্যক্তিজনৰ বাৰীৰ পুখুৰীত বাগৰি পৰাত বিস্তৰ ক্ষতি হয় ৷ ঘটনা সংঘটিত হোৱাৰ লগে লগেই সোণাৰি চাপৰি আৰক্ষীয়ে আহঁত সকলক উদ্ধাৰ কৰি ততাতৈয়াকৈ ঢকুৱাখনাৰ অসামৰিক চিকিৎসালয়ত চিকিৎসা কৰোৱাই আজি টেংকাৰখন উদ্ধাৰ কৰি নিজৰ জিন্মাত ৰাখিছে ৷