নিয়মীয়া বাৰ্তা, ২৯ নৱেম্বৰঃ হোজাইত মাইক্ৰ’ফাইনেন্স প্ৰতিষ্ঠানৰ ঋণৰ কিস্তি দিব নোৱাৰি এগৰাকী মহিলাই নিজৰ ডেৰবছৰীয়া কন্যাক ফাঁচ লগাই নিজেও চিপ লোৱা ঘটনাই চাঞ্চল্য সৃষ্টি কৰিছে । ইপিনে মহিলাগৰাকীয়ে আত্মহত্যা কৰাৰ পূৰ্বে আন এটা সন্তানকো ডিঙিত ফাঁচ লগাইছিল যদিও সৌভাগ্যক্ৰমে শিশুটি মৃত্যুৰ পৰা ৰক্ষা পৰে ।
উল্লেখ্য যে আত্মহত্যা কৰা চাবিলা বেগমে স্বামী দিলোৱাৰ আলীৰ হেঁচাত এল এণ্ড টি ফাইনেন্স, আৰোহণ আৰু বন্ধন বেংকৰ পৰা বৃহৎ পৰিমানৰ ঋণ লৈছিল । কিন্তু বিগত ৬-৭ মাহৰ পৰা দিলোৱাৰে পত্নীক খা-খৰচ বন্ধ কৰায়ে নহয়, বিভিন্ন গোটৰ পৰা পত্নীয়ে লোৱা ধনৰ কিস্তি দিয়াৰ পৰা বিৰত আছিল । যাৰ বাবে ঋণ পৰিশোধ কৰিব নোৱাৰি অৱশেষত বৃহস্পতিবাৰে চাবিলাই এই চৰম সিদ্ধান্ত লয় ।