নিয়মীয়া বাৰ্তা, ৫ ফেব্ৰুৱাৰীঃ ৰাজ্যত এতিয়াও অব্যাহত আছে চোৰাং গৰুৰ অবৈধ বেহা ৷ আজি ৰূপহীহাট আৰক্ষী থানাৰ অন্তৰ্গত কোচগাঁৱৰ পৰা আৰক্ষীয়ে অভিয়ান চলাই ১৭টাকৈ চোৰাং গৰুসহ এজনক আটক কৰে ৷ ধৃত লোকজনৰ নাম ৰাব্বুল হুছেইন ৷ ৰূপহীহাট আৰক্ষী থানাৰ বিষয়া নিপু কলিতাৰ নেতৃত্বত এক গোপন সূত্ৰৰ পম খেদি চলাইছিল এই অভিয়ান ৷ এএছ ০২ চিচি ৩২৪২ নম্বৰৰ গাড়ীত ১৭টাকৈ চোৰাং গৰু মেঘালয়লৈ নিয়াৰ বাবে যো-জা কৰি থকাৰ সময়তে আৰক্ষীয়ে গাড়ীসহ গৰু কেইটা জব্দ কৰে ৷ আৰক্ষীয়ে অধিক তথ্যৰ বাবে ধৃত ৰাব্বুল হুছেইনক জেৰা অব্যাহত ৰাখিছে ৷
প্ৰেৰকঃ জহিৰুল ইছলাম/ৰূপহীহাট