নিয়মীয়া বাৰ্তা, ১১ ডিচেম্বৰ: বিলাসীপাৰাৰ নায়েৰআলগা আৰক্ষী চকীত যেন বাইকৰ উজান উঠিছে। ৰয়েল এনফিল্ডকে ধৰি ১১খনকৈ বাইকৰে ভৰি পৰিছে আৰক্ষী চকীত চৌহদ। পিছে এই বাইক সমুহ চুৰি চক্ৰৰ পৰা উদ্ধাৰ কৰা হে। উল্লেখ্য যে, বিলাসীপাৰাৰ চৰাঞ্চলত এটা বৃহৎ বাইক চুৰি চক্ৰই সক্ৰিয় হৈ থকাৰ অভিযোগ দীৰ্ঘ দিনৰে পৰা উত্থাপিত হৈ আহিছে। এই চক্ৰটোৱে বিভিন্ন অঞ্চলত মটৰ চাইকেল সঘনাই চুৰি কৰি ত্ৰাসৰ সৃষ্টি কৰি আহিছে।
এনে সময়তে বিলাসীপাৰাৰ নায়েৰআলগা আৰক্ষী চকীৰ ভাৰপ্ৰাপ্ত বিষয়া হবিবুৰ ৰহমানে চক্ৰটোৰ বিৰুদ্ধে অভিযান তীব্ৰতৰ কৰি তোলে। আৰক্ষীয়ে গোপন সূত্ৰৰ পম খেদি বয়েজেৰ আলগাত অতৰ্কিতে অভিযান চলায়। অভিযানটোত এখন ৰয়েল এনফিল্ডকে ধৰি ১১ খন চুৰি বাইক উদ্ধাৰ কৰিবলৈ সক্ষম হয়, লগতে আটক কৰে এজন বাইক চুৰি চক্ৰৰ সদস্যক । আৰক্ষীয়ে আটক কৰা বাইক চুৰি কাণ্ডত জৰিত মইনুদ্দিন স্বেখ ওৰফে মণ্ডলক গ্ৰেপ্তাৰ কৰে।
বিলাসীপাৰাৰ পৰা সমৰেশ শীল শৰ্মা