নিয়মীয়া বাৰ্তা, ৫ অক্টোবৰঃ কালি ধুবুৰী চহৰৰ পার্শ্বৱর্তী দুর্গম বায়লাৰ চৰত বাংলাদেশলৈ নদীপথেৰে চোৰাংকৈ নিবলৈ সাজু কৰা দুখনকৈ গৰুভর্তি নাও জব্দ কৰে আৰক্ষীয়ে৷ এক তথ্যৰ ভিত্তিত ধুবুৰী জিলাৰ আৰক্ষী অধীক্ষক আনন্দ মিশ্রাৰ নির্দেশানুসৰি ধুবুৰীৰ এম কে ৰোড আৰক্ষী চকীৰ উপ–পৰিদর্শক চাণক্য দাসৰ নেতৃত্বত আৰক্ষীয়ে দুর্গম বায়লাৰ চৰত অভিযান চলাই নদীপথেৰে চোৰাংকৈ বাংলাদেশলৈ নিবলৈ সাজু কৰা দুখন নাৱৰ পৰা ৯৬টাকৈ গৰু জব্দ কৰিবলৈ সক্ষম হয়৷ অৱশ্যে এন্ধাৰৰ সুযোগ লৈ গৰুৰ চোৰাং বেপাৰীকেইজন পলায়ন কৰিবলৈ সক্ষম হয়৷