নিয়মীয়া বাৰ্তা ২৬ জুলাইঃ সদৌ অসম ছাত্ৰ সন্থাৰ আহ্বানত আজি জোনাই আঞ্চলিক ছাত্ৰ সন্থা আৰু বাহিৰ জোনাই আঞ্চলিক ছাত্ৰ সন্থাৰ উদ্যোগত জোনাই শ্বহীদ বেদীৰ প্ৰংগনত আজি ২ ঘন্টীয়া অৱস্থান ধৰ্মঘট কাৰ্যসূচী ৰূপায়ণ কৰে। জনসাধাৰণৰ অতি প্ৰয়োজনীয় সামগ্ৰীকে ধৰি ৰন্ধন গেছ, পেট্ৰল, ডিজেলৰ আকাশলঙ্ঘী মূল্যবৃদ্ধি ৰোধত কেন্দ্ৰীয় তথা ৰাজ্য চৰকাৰৰ চুড়ান্ত ব্যৰ্থতাৰ প্ৰতিবাদত জোনাইত ২ ঘন্টীয়া অৱস্থান ধৰ্মঘট পালন কৰে। সন্মুখত আলু,পিঁয়াজ, দালি,তেল আদি লৈ প্ৰতিবাদ সাব্যস্ত কৰে আছুৰ কৰ্মীসকলে৷
আছু কৰ্মীসকলে বিজেপি চৰকাৰ মূৰ্দাবাদ,মূল্য বৃদ্ধি হ্ৰাস কৰক আদি শ্ল’গান দি পৰিবেশ উত্তাল কৰি তুলে জোনাই৷ জোনাই আঞ্চলিক ছাত্র সন্থাৰ শ্বহীদ বেদী প্ৰাঙ্গনত মূল্য বৃদ্ধি নিয়ন্ত্ৰন কৰাৰ দাবীত দুই ঘন্টীয়া অৱস্থান ধৰ্মঘট কার্য সূচীত সদৌ অসম ছাত্ৰ সন্থাৰ ৰাজ্যিক কাৰ্য্যনিৰ্বাহক সদস্য ৰাজীৱ গগৈ ধেমাজি জিলা ছাত্ৰ সন্থাৰ সহকাৰী সম্পাদক সঞ্জীৱ দাস মূখ্য সাংগঠনিক সম্পাদক দিলীপ কুটুম প্রচাৰ সম্পাদক কৈলাশ মিৰি সাংস্কৃতিক সম্পাদক হীৰেন শৰণীয়া তথ্য সম্পাদক দেৱজিত মৰাণ জোনাই মহকুমা ছাত্ৰ সন্থাৰ সভাপতি ৰঞ্জীত বসুমতাৰী সাধাৰণ সম্পাদক নয়ন জ্যোতি বৰুৱা জোনাই আঞ্চলিক ছাত্ৰ সন্থাৰ সভাপতি মানস প্ৰতিম বৰা সাধাৰণ সম্পাদক ৰাজৰিছি পেগু বাহিৰ জোনাই আঞ্চলিক ছাত্ৰ সন্থাৰ সভাপতি মেদিনী দলে সাধাৰণ সম্পাদক চন্দ্ৰকান্ত বৰুৱাৰ লগতে জোনাই আৰু বাহিৰ জোনাই আঞ্চলিক ছাত্র সন্থাৰ কৰ্মকৰ্তা সকল উপস্থিত থাকে৷