নিয়মীয়া বাৰ্তা, ১৩ জুলাইঃ দেউবাৰে নিশা চিলাপথাৰ নগৰত সংঘটিত এক শোকাবহ দূৰ্ঘটনাত ধ্ৰুৱ চাবুকধৰা নামৰ এজন যুৱকৰ মৃত্যু হয় ৷ চিলাপথাৰ জোনাকী নগৰ নিবাসী মোহন চাবুকধৰাৰ পূত্ৰ ধ্ৰুৱই নিশা তেওঁৰ এ এচ ২২-৯৮৪১ নম্বৰৰ বাইকেৰে লিকাবালি দিশৰ পৰা মূল নগৰ পথেৰে চিলাপথাৰলৈ আহি আছিল ৷
পথচোৱাৰ খনা মুখত ধ্ৰুৱৰ বাইকৰ সৈতে এ এচ ২২ চি-১৯৫১ নম্বৰৰ ট্ৰাকত প্ৰচণ্ড জোৰেৰে সংঘৰ্ষ লাগে ৷ দেহৰ বিভিন্ন অংগত গুৰুতৰ ভাৱে আআঘাট প্ৰাপ্ত যুৱকজনক নিশাই চিকিৎসাৰ বাবে ডিব্ৰু গড়লৈ নিয়ে যদিও চিকিৎসালয় পোৱাৰ পূৰ্বেই মৃত্যু হয় ৷
চিলাপথাৰ সাপ্তাহিক বজাৰৰ সমীপৰ এটা টিম্বাৰ ডিপোত কাম কৰা ধ্ৰুৱ এটি ৩ বছৰীয়া সন্তানৰ পিতৃ ৷ ঘটনাটো ৱে অঞ্চলটোত শোকৰ ছাঁ পেলাইছে ৷