নিয়মীয়া বার্তা, ১১ নৱেম্বৰঃ কামৰূপৰ বেজেৰাত নিশা ভয়ংকৰ পথ দুৰ্ঘটনা। দুখন ট্ৰাকৰ মুখামুখি সংঘৰ্ষত মৃত্যু হয় দুয়োখন ট্ৰাকৰে চালক।
এজন থিতাতে নিহত। আনজন গুৰুতৰভাৱে আহতক চিকিৎসালয়লৈ নিয়াৰ পথত মৃত্যু হোৱাৰ বাতৰি পোৱা গৈছে। থিতাতে নিহতগৰাকী তেজপুৰৰ বিৰজু ৰায় আৰু আনজন তিনিচুকীয়াৰ ইনছাদ ছিদ্দিকি।
উল্লেখ্য যে বাইহাটা চাৰিআলি অভিমুখে অহা As 23 AC 8425 আৰু মংগলদৈ অভিমুখী ৰদ ভৰ্তি AS 01HC 8333 নম্বৰৰ ট্ৰাক দুখনৰ মাজত মুখামুখি সংঘৰ্ষ হয়। ১৫ নং ৰাষ্ট্ৰীয় ঘাইপথত হোৱা এই পথ দুৰ্ঘটণাৰ ফলত বহুসময় ধৰি তীব্ৰ যানযঁটৰ সৃষ্টি হয়।