নিয়মীয়া বাৰ্তা, ৪ মাৰ্চঃ ধেমাজি জিলাৰ চিমেন চাপৰি আৰক্ষী থানাৰ জামজিঙত সংঘটিত হৈছে ভয়ংকৰ পথ দুৰ্ঘটনা। আজি সন্ধিয়া প্ৰায় ৬ বজাত এএছ ২২ চি ৮৫৩২ নম্বৰৰ জোনাই অভিমুখি এখন ট্ৰাকে এ আৰ অ আই ডি ৮২৫৫ নম্বৰৰ এখন অট’ক মুখামুখি খুন্দা মৰাৰ ফলত অট’ আৰোহী ডেকাপামৰ ডেকামিচিং কোম্পানী গাঁৱৰ অৰ্চনা পেগু(৪০) আৰু মিনতি পেগু(৪৫) থিতাতে নিহত হয়। আনজন অট’ আৰোহী একে নিহত হোৱা মহিলা দুগৰাকীৰ স্বামী দিলীপ পেগুক সংকটজনক অৱস্থাত ডেকাপাম ক্ষুদ্ৰ প্ৰাথমিক চিকিৎসালয়লৈ নিয়া হয়। ক্ষুব্ধ ৰাইজে দুৰ্ঘটনা সংঘটিত কৰা ট্ৰাকখন ৰাজপথতে জ্বলাই দিয়াৰ পাছত অগ্নিনিৰ্বাপক বাহিনীৰ জোৱান আহি ট্ৰাকখনৰ অৱশিষ্ট অংশ জুই নুমুৱাবলৈ সক্ষম হয়।
প্ৰেৰক কৰবী দলে