নিয়মীয়া বাৰ্তা, ৩ ফেব্ৰুৱাৰী : ৰাজ্যত এনকাউণ্টাৰ অব্যাহত আছে। বিভিন্ন ধৰণৰ অপৰাধৰ লগত জড়িত দুৰ্বৃত্তৰ বিৰুদ্ধে আৰক্ষীৰ একচন চলি আছে। বিগত সময়ৰ দৰে আজি কাছাৰত চলিল আৰক্ষীৰ এনকাউণ্টাৰ। গুলীচালনাত তাজ উদ্দিন চৌধুৰী নামৰ এটা ডকাইত গুলীবিদ্ধ হয়।
আৰক্ষীয়ে গ্ৰেপ্তাৰ কৰাৰ পিছত পলাবলৈ চেষ্টা কৰাৰ সময়তে আৰক্ষীৰ এনকাউণ্টাৰত ভৰিত গুলীবিদ্ধ হয় ডকাইতটো। ফলত গুৰুতৰভাৱে আহত কুখ্যাত ডকাইতটো৷ ডকাইতটোৰ ঘৰ সোণাই সমষ্টিৰ ধনেহৰি দ্বিতীয় খণ্ডত ৷ বৃহস্পতিবাৰে পুৱতি নিশা ধনেহৰিৰ পৰা গ্ৰেপ্তাৰ কৰা হৈছিল তাজ উদ্দিনক ৷ লুকুৱাই ৰখা মাৰণাস্ত্ৰ উদ্ধাৰ কৰিবলৈ ডকাইজনক চালচাপৰালৈ নিয়া হৈছিল ৷
পুৱতিনিশা চাৰে তিনি বজাত ছালচাপৰাৰ সুৰতাৰাৰ পৰা আৰক্ষীৰ জিন্মাৰ পৰা পলোৱাৰ চেষ্টা চলায় ডকাইতটোৱে ৷ আৰক্ষীক আক্ৰমণ কৰি পলাবলৈ চেষ্টা কৰিছিল ডকাইত জনে ৷ তেতিয়াই ডকাইতটোক লক্ষ্য কৰি গুলীচালনা কৰে আৰক্ষীয়ে ৷ ডকাইতৰ আক্ৰমণত আহত হয় অতিৰিক্ত আৰক্ষী অধীক্ষক সুব্ৰত কুমাৰ সেন আৰু প্ৰদীপ দাস নামৰ এজন কনিষ্টবল ৷
বৰ্তমান দুয়োজন চিকিৎসাধীন ৷ ইফালে, তাজউদ্দিনক শিলচৰ মেডিকেল কলেজ হাস্পতালত ভৰ্তি কৰোৱা হয় ৷ ছালচাপৰাৰ পৰা এটা বন্দুক আৰু তিনিটা সক্ৰিয় গুলী উদ্ধাৰ কৰে ৷
প্ৰেৰক গৌতম তালুকদাৰ