নিয়মীয়া বাৰ্তা, ৫ ফেব্ৰুৱাৰীঃ অসম ভলীবল সন্থাৰ উদ্যোগত আৰু ধেমাজি জিলা ক্রীড়া সন্থাৰ আৰু জোনাই ক্রীড়া সন্থাৰ সহযােগত জোনাই মহকুমাত অনুষ্ঠিত ৩২সংখ্যক সদৌ অসম আন্তঃজিলা ছাব জুনিয়ৰ চূড়ান্ত ভলীবল প্ৰতিযোগিতাৰ ল’ৰা শাখাত যোৰহাট জিলাৰ দল আৰু ছোৱালী শাখাত ডিব্ৰুগড় জিলাৰ দল বিজয়ী হৈ খিতাপ অৰ্জন কৰে৷
উক্ত চূড়ান্ত খেলত বিভিন্ন জনগোষ্ঠীয় নৃত্য আৰু সাংস্কৃতিক সন্ধিয়াৰ আয়োজন কৰে৷ উক্ত সাংস্কৃতিক সন্ধিয়াত শিল্পী মল্লিকা শইকীয়াৰ গীতেৰে জীপাল কৰি তোলে জোনাই উচ্চতৰ মাধ্যমিক বিদ্যালয় খেলপথাৰ৷
আজিৰ অনুষ্ঠানত মিচিং স্বায়ত্তশাসিত পৰিষদৰ কাৰ্যবাহী সদস্য ৰাজু মেদক, নৰেশ কুম্বাং , প্ৰশান্ত বৰি, পুৰোহোত্তম দলে, উপসভাপতি জয়গেশ্বৰ কুটুম,
জোনাই মহকুমা আৰক্ষী বিষয়া ঋতুৰাজ দলে ,অসম ভলীবল ক্ৰীড়া সন্থাৰ সাধাৰণ সম্পাদক
সত্যেন্দ্ৰনাথ শইকীয়া, কোষাধক্ষ্য মুকুট গগৈ , জোনাই মহকুমাৰ ক্ৰীড়া সন্থা জয়ন্ত বৰিৰ লগতে অসম ভলীবল ক্ৰীড়া সন্থাৰ বিষয়ববীয়া উপস্থিত থাকে৷