নিয়মীয়া বাৰ্তা, ৮ ফেব্ৰুৱাৰী : নগাঁৱত দুধর্ষ ড্ৰাগছ মাফিয়া আব্দুল ৱাচেত ওৰফে ইফুৰ সহযোগী ড্ৰাগছ মাফিয়া বক্কুক গ্ৰেপ্তাৰ কৰা হয় । আব্দুল হানিফ ওৰফে বক্কু দীৰ্ঘদিনৰ পৰা পলাতক হৈ থকাৰ পিছত সোমবাৰে নিশা আটক কৰে নগাঁও আৰক্ষীয়ে ।
সোমবাৰে নিশা নগাঁৱৰ মুল্লাপট্টিত নুৰ আহমেদ নামৰ এজন ড্ৰাগছ ব্যৱসায়ীৰ ঘৰত আৰক্ষীয়ে অভিযান চলাওঁতে ২৭টা নিষিদ্ধ কফ চিৰাপ জব্দ কৰাৰ লগতে নুৰ আহমেদৰ স্বীকাৰোক্তিৰ ভিত্তিত Most wanted আব্দুল হানিফ ওৰফে বক্কুক আটক কৰিব সক্ষম হয় নগাঁও হয়বৰগাঁও আৰক্ষী।
উল্লেখযোগ্য যে কিছুদিন পূৰ্বে নগাওঁ আৰক্ষীৰ হাতত এনকাউণ্টাৰ হোৱা আব্দুল ৱাচেত ওৰফে ইফুৰ সহযোগী আছিল এই বক্কু । আনহাতে ইয়াৰ আগতেও কেইবাবাৰো ড্ৰাগছ ব্যৱসায় কৰাৰ অভিযোগত জেললৈ যাবলগীয়া হৈছিল আব্দুল হানিফ ওৰফে বক্কু । নগাঁৱৰ তৰংগ পাটোৱাৰীৰ নেতৃত্বত চলিছিল এই অভিযান ।
প্ৰেৰক কনক হাজৰিকা