নিয়মীয়া বাৰ্তা, ১৩ জুনঃ ৰক্ষকে ভক্ষকৰ ৰূপত অসম আৰক্ষী ৷ গুৱাহাটীৰ ADCP East ৰ বিষয়াৰ গাড়ী চালক তথা আৰক্ষীৰ নায়ক তাইজোদ্দিন লস্কৰে দীৰ্ঘদিনে অসম আৰক্ষীত কৰ্মৰত হৈয়ো গোপনে চলাই আহিছিল নিষিদ্ধ ড্ৰাগছ ব্যবসায় ৷ যোৱা নিশা গুৱাহাটীৰ ক্ৰাইম ব্ৰান্সৰ এটি দলে গোপন সূতৰ পম খেদি মৰিগাঁৱৰ মিকিৰভেটা আৰক্ষী থানাৰ আৰক্ষী আৰু জাজৰি আৰক্ষী থানাৰ আৰক্ষীৰ সহযোগত মৰিগাঁও – নগাঁও সীমামূৰীয়া অঞ্চল জাজৰিৰ পৰা ৯ পেকেট ১০৭ গ্ৰাম ড্ৰাগছ , নগদ ১লাখ ৮৭ হাজাৰ টকা আৰু এগৰাকী মহিলা সহ ৭ জন ড্ৰাগছ সৰবৰাহ কাৰীক আটক কৰিবলৈ সক্ষম হয় ৷ জানিব পৰা মতে , মৰিগাঁও আৰু নগাঁও জিলাৰ সীমামূৰীয়া জাজৰি , বৰিবজাৰ , টুকটুকি আদি অঞ্চলৰ পৰা এইজন আৰক্ষীৰ নায়ক তাইজোদ্দিন লস্কৰে তেওঁৰ সহযোগী সকলৰ সৈতে দীৰ্ঘদিনে সৰবৰাহ কৰি আহিছিল নিষিদ্ধ ড্ৰাগছ ৷
যোৱা নিশা এইজন নায়ক তাইজুদ্দিনে ড্ৰাগছ সৰবৰাহ কৰিবলৈ অহাৰ এক গোপন তথ্যৰ পম খেদি গুৱাহাটীৰ ক্ৰাইম ব্ৰান্সৰ এটি দলে মৰিগাঁৱৰ মিকিৰভেটা আৰক্ষী আৰু জাজৰি আৰক্ষীৰ সহযোগত তাইজুদ্দিন লস্কৰ সহিতে তেওঁৰ সহযোগী ক্ৰমে চাহিদুল আলম , কবিল আলী , মফিদুল হক , জংচাৰ মহালা ,ইছাফ আলী আৰু জেচমিনা বেগমক আতক কৰিবলৈ সক্ষম হয় ৷আনহাতে তাইজুদ্দিনে ব্যৱহাৰ কৰা নম্বৰ বিহীন এখন আৰক্ষীৰ বাহনৰ লগতে AS- 01DR – 5042 নম্বৰৰ এখন FORD TITANIUM গাড়ী দুখন জব্দ কৰিবলৈ সক্ষম হয় ৷ইতিমধ্যে আৰক্ষীয়ে এই কেইজন ড্ৰাগছ সৰবৰহী বিৰুদ্ধে 223/20 . U/S – 21B /25/29 NDPS ACT নম্বৰত গোচৰ ৰুজু কৰি তদন্ত আৰম্ভ কৰিছে ৷