নিয়মীয়া বাৰ্তা, ২২ মাৰ্চঃ কাৰ্ব আংলং জিলাৰ বোকাজান মহকুমাৰ ২৪নং দেওপানী পৰিষদীয় সমষ্টিৰ অন্তৰ্গত শান্তিপুৰৰ যুৱ প্ৰতিভা, উদীয়মান সাংস্কৃতিক কৰ্মী তথা ইউটিউবাৰ কিশোৰ কুমাৰ পাঠকৰ নৱতম সংযোজন মমতা ৱেব ছিৰিজৰ ২০ মাৰ্চ তাৰিখে প্ৰবীণ সাংস্কৃতিক কৰ্মী নিৰ্মল সিং দেৱৰ বাসভৱনত শুভ মুক্তি দিয়ে।
INDIAN TV ASSAMESE নামৰ ইউটিউব চেনেলৰ যোগেদি কিশোৰ কুমাৰ পাঠকে ইতিমধ্যে কেইবাখনো চুটি ছবিৰ শুভ মুক্তি দিয়ে, তাৰ ভিতৰত ৰাংঢালি মধুবালা বিশেষ উল্লেখযোগ্য।
কিশোৰ কুমাৰ পাঠকক বিশেষভাৱে সহায়-পৰাৰ্মশ আগবঢ়ায় সাংস্কৃতিক কৰ্মী নিৰ্মল সিং দেৱে। উল্লেখ্য যে ৱেব ছিৰিজখনত অভিনয় কৰিছে মৃদুলা পাঠক, প্ৰশান্ত সিং, নৱনীতা শৰ্মা পাঠক, নিৰ্মল সিং, চিমৰন শৰ্মা পাঠক, মৌচম চেতিয়া, মহঃ নেকিব খান, অংকুৰ পাল, কাঞ্চন সিং, হিমানি পাঠক, লখেশ্বৰী নাথে।
কাহিনী-চিত্ৰনাট্য কিশোৰ কুমাৰ পাঠকৰ। লগতে আন দিশত সহায় কৰিছে শিৰোমণি পাঠক, চিমৰন শৰ্মা পাঠকে। বিশেষ কৃতজ্ঞতা নিৰ্মল সিং। বন্তি প্ৰজ্বলনেৰে শুভাৰম্ভ কৰে সাংবাদিক অমূল্য গোস্বামীয়ে।