নিয়মীয়া বাৰ্তা, ৯ এপ্ৰিল : শোণিতপুৰৰ বালিপৰা খনামুখৰ খনামুখ উচ্চতৰ মাধ্যমিক বিদ্যালয়ত আজি ২৪ টা সমাজসেৱী সংগঠনৰ উদ্যোগত অনুষ্ঠিত এক অনুষ্ঠানত বৃহত্তৰ খনামুখ অঞ্চলৰ বিশিষ্ট সমাজকৰ্মী, আদৰ্শ কৃষক, পৰিৱেশ সংৰক্ষক কমিচন মিলিক ভৰলীপৰীয়া সমাজ হিতৈষী বঁটা প্ৰদান কৰা হয় । বিশিষ্ট শিক্ষাবিদ পূৰ্ণেশ্বৰ নাথৰ সভাপতিত্বত অনুষ্ঠিত সভাখনত কমিচন মিলিক আনুষ্ঠানিকভাৱে ৰাজহুৱা সম্বৰ্ধনা আৰু বঁটা প্ৰদান কৰা হয় । অনুষ্ঠানত তেজপুৰ লোকসভা সমষ্টিৰ সাংসদ পল্লৱলোচন দাস, চতিয়াৰ বিধায়ক পদ্ম হাজৰিকা, ৰঙাপৰাৰ বিধায়ক কৃষ্ণ কমল তাঁতীৰ লগতে বিশিষ্ট ব্যক্তি, আয়োজক সমিতিৰ সমূহ বিষয়ববীয়া, অজস্ৰ ৰাইজ, দল-সংগঠনৰ বিষয়ববীয়া উপস্থিত আছিল । অনুষ্ঠানত কমিচন মিলিদেৱৰ নামেৰে এক পকী পথৰ প্ৰতীকি আৰু মুদ জুম নামৰ এখন অভিনন্দন গ্ৰন্থও উন্মোচন কৰা হয় ।
প্ৰেৰক ::প্ৰাঞ্জল প্ৰতিম বৰা,বালিপৰা