নিয়মীয়া বাৰ্তা, ১১ অক্টোবৰঃ আজি ধুবুৰী চহৰৰ পাৰ্শ্বৱৰ্তী আয়ৰণ জংলা প্ৰথম খণ্ড অঞ্চলত হোৱা এক দূৰ্ঘটনাত দুখন মটৰ চাইকেলৰ চালক, আৰোহীসহ মুঠ চাৰিগৰাকী ব্যক্তি আহত হোৱা বুলি জানিব পৰা গৈছে। ঘটনা সন্দৰ্ভত জানিব পৰা মতে, অঞ্চলটোৰে আহি থকা এখন মটৰ চাইকেলক পিছফালৰ পৰা আন এখন তীব্ৰ বেগী মটৰ চাইকেলে খুন্দা মাৰাৰ ফলত দুখনেই ছিটিকি পৰে আৰু ফলত সংঘটিত হয় দূৰ্ঘটনাটো। দূৰ্ঘটনাটোত দুখন মটৰ চাইকেলৰেই চালক–আৰোহীসহ আহত হয় মুঠ চাৰিগৰাকী ব্যক্তি। ইয়াৰে গুৰুতৰ আঘাত পোৱা দুগৰাকীক অঞ্চলটোৰ স্থানীয় ৰাইজৰ তৎপৰতাত ধুবুৰী চিকিৎসা মহাবিদ্যালয় হাস্পাতালত ভৰ্তি কৰা হোৱা বুলি প্ৰকাশ।
প্ৰেৰক অমিতাভ চক্ৰৱৰ্তী