নিয়মীয়া বাৰ্তা, ৯ জানুৱাৰী – কোকৰাঝাৰ জিলাৰ ফকিৰাগ্ৰাম মহাবিদ্যালয় এনএছএছৰ ফকিৰাগ্ৰাম শাখাৰ উদ্যোগত কৰাইতোলা গাঁৱত দুখীয়া মানুহৰ মাজত কম্বল বিতৰণ কৰে । কৰাইতোলা গাঁৱৰ কালিচৰণ নাথ এল পি স্কুলত অনুষ্ঠিত কম্বল বিতৰণ অনুষ্ঠানত দুই কুৰিৰো অধিক মানুহৰ মজত কম্বল বিতৰণ কৰে এন এছ এছ ৰ ফকিৰাগ্ৰাম শাখাই।
আজিৰ কম্বল বিতৰণ অনুষ্ঠনটো ফকিৰাগ্ৰাম মহাবিদ্যালয়ৰ এন এনএছৰ আঁচনি বিষয়া তথা প্ৰবক্তা হাসমত আলীৰ পৰিচালনাত অনুষ্ঠানত মহাবিদ্যালয়খনৰ প্ৰবক্তা ৰাজেন্দ্ৰপ্ৰসাদ ৰায় , ডঃ মনোৰঞ্জন ৰয়, ডঃ আদিত চন্দ্ৰ ডেকা, তৰুণ চন্দ্ৰ দাস, ছানোৱাৰ হুছেইন, আনোৱাৰুল ইছলাম, বুদ্ধ নাথ আদিৰ লগতে গাঁওখনৰ গাঁওবুঢ়া নজৰুল ইছলাম উপৰি এন এছএছৰ স্বেচ্ছাসেৱক-সেৱিকাসকলো উপস্থিত থাকে ।
উল্লেখ্য যে ফকিৰাগ্ৰাম কৰাইতোলা গাঁওখন আৰ্থ-সামাজিক, শৈক্ষিক, সাংস্কৃতিক ক্ষেত্ৰত বহুতো পিছপৰা বাবে গাঁওখনৰ উন্নয়নৰ কৰিবলৈ কৰাইতোলা গাঁওখনক তোলনীয়া কৰি লৈছে আৰু সেই হেতুকেই এনেধৰণৰ কাৰ্যসূচী ৰূপায়ণ কৰি আছে বুলি এন এছ এছ গোটৰ আঁচনি বিষয়া হাসমত আলীয়ে সংবাদ মধ্যমৰ আগত সদৰী কৰে ।
প্ৰেৰকঃ কৃষ্ণ বৰ্মন