নিয়মীয়া বাৰ্তা, ৫ অক্টোবৰঃ কার্বি আংলং জিলাৰ বোকাজানত দেওবাৰে পুৱাই আৰক্ষীয়ে অভিযান চলাই হেৰ’ইনসহ এজন ড্রাগ্ছ সৰবৰাহকাৰীক গ্রেপ্তাৰ কৰে৷ পুৱা প্রায় আঠ বজাত বোকাজান থানাৰ ভাৰপ্রাপ্ত বিষয়া মণি চমুৱাৰ নেতৃত্বত আৰক্ষীৰ এটা দলে বোকাজানৰ নিজৰাপাৰত অভিযান চলায়৷
অভিযানত আৰক্ষীৰ দলটোৱে নিজৰাপাৰ নিৱাসী হবিবুৰ ৰহমান (৩৫) নামৰ যুৱকজনৰ জিম্মাৰ পৰা এটা চাবোনৰ বাকচত লুকুৱাই ৰখা অৱস্থাত ১২.৫৩ গ্রাম হেৰ’ইন জব্দ কৰে৷ ড্রাগ্ছ সৰবৰাহকাৰী হবিবুৰকো আৰক্ষীয়ে গ্রেপ্তাৰ কৰে৷