নিয়মীয়া বাৰ্তা ১১ নৱেম্বৰঃ কামৰূপ জিলাৰ বকো থানাৰ অন্তৰ্গত ভেহুৱাত কালি পুৱতি নিশা সংঘটিত হয় এক ভয়াৱহ পথ দুৰ্ঘটনা । বাইক আৰোহীয়ে নিয়ন্ত্ৰন হেৰুৱাই পথৰ কাষৰ গছত খুন্দা মাৰাৰ ফলত থিতাতে নিহত বাইক আৰোহী মজেন্দ্ৰ কৈৱৰ্ত্ত নামৰ এজন যুৱক ৷ দুৰ্ঘটনা সংঘটিত হোৱা বাইক খনৰ নম্বৰ হল এ এচ ০১ ই কে ৯১২৬ ৷
জানিব পৰা মতে নিশা আলহীৰ ঘৰৰ পৰা পাৰ্টি খাই ওভোতাৰ পথত সংঘটিত হয় এই পথ দুৰ্ঘটনা ৷ ৰাতিপুৱাহে এই দুৰ্ঘটনা পোহৰলৈ আহে ৷ কেইজনমান স্থানীয় লোকে প্ৰত্যক্ষ্য কৰে দুৰ্ঘটনাৰ দৃশ্য ৷ পিছত ৰাইজে দুৰ্ঘটনা বিষয়ে বকো আৰক্ষীক খবৰ দিয়ে ৷ দুৰ্ঘটনাৰ খবৰ পাই ঘটনাস্থলীত বকো আৰক্ষী উপস্থিত হৈ মৃতদেহটো বকো থানালৈ লৈ আহে আৰু পৰিয়ালৰ লোকক অৱগত কৰি মৃতদেহ মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ হাস্পাতাললৈ প্ৰেৰন কৰে। মৃত লোকজনৰ ঘৰ ১ নং দিলিঙাত বুলি জানিব পৰা গৈছে । এই ঘটনাই বকোত শোকৰ ছাঁ পৰে ৷