নিয়মীয়া বাৰ্তা, ৭ জানুৱাৰীঃ মৰিগাঁৱৰ এগৰাকী নৱ প্ৰজন্মৰ উদীয়মান লেখিকা মমী নাথৰ গল্প সংকলন ‘পাৰ নাইট ফাইভ হান্দ্রেড’ৰ আজি শুভ উন্মোচন কৰে বিশিষ্ট শিল্পী, পৰিচালক তথা অসম প্ৰকাশন পৰিষদৰ প্ৰাক্তন সচিব সদানন্দ গগৈয়ে।
এই উপলক্ষে আজি মৰিগাঁও প্ৰেছ ক্লাবত মৰিগাঁও সাংবাদিক সংস্থাৰ প্ৰাক্তন সভাপতি বিৰিঞ্চি শৰ্মাৰ সভাপতিত্বত অনুষ্ঠিত হোৱা সভাখনত আমন্ত্ৰিত অতিথি ৰূপে উপস্থিত থাকে মৰিগাঁও জিলা কবি সন্মিলনৰ সভাপতি অশোক ডেকা, মৰিগাঁও জিলা সাহিত্য সভাৰ প্রাক্তন সভাপতি বুবুমণি গোস্বামী, বিশিষ্ট সাহিত্যিক মিলেশ্বৰ পাতৰ, মৰিগাঁও জিলা লেখিকা সন্মিলনৰ সভাপতি শেৱালি শৰ্মা আৰু জ্যেষ্ঠ শিক্ষক ৰমণী মহন্ত ।
উল্লেখ্য নিজ গল্পৰ বাবে কেইবাটাও পুৰস্কাৰ লাভ কৰিবলৈ সক্ষম হোৱা লেখিকা মমী নাথৰ এই সংকলনখন পাঠকে আদৰি ল’ব বুলি আশা প্ৰকাশ কৰিছে লেখিকাগৰাকীয়ে।