নিয়মীয়া বাৰ্তা, ২৯ জানুৱাৰী : বৰহোলাৰ বজালকতাত আজি উদ্ধাৰ হয় এটা প্ৰকাণ্ড অজগৰ সাপ। দুপৰীয়া ১২ মান বজাত বৰহোলা বজালকতাৰ এখন পথাৰত গাঁৱৰ কেইজনমান লোকে প্ৰত্যক্ষ কৰে অজগৰটো। খবৰ পাই ততাতৈয়াকৈ বৰহোলা আৰক্ষী থানাৰ এটা দলে বজালকতাত উপস্থিত হৈ অজগৰটো উদ্ধাৰ কৰাৰ লগতে থানালৈ লৈ আহে। ইতিমধ্যে বৰহোলা আৰক্ষীয়ে আজগৰটো তিতাবৰৰ বন বিভাগক গতাই দিছে। বন বিভাগে আজগৰটো মৰিয়নিৰ গিবন অভয়াৰণ্যত মুকলি কৰিবলৈ লৈ গৈছে বুলি জানিব পৰা গৈছে।
প্ৰেৰক : অজয় শইকীয়া, নগাবাট