নিয়মীয়া বার্তা, ২৮ জুনঃ ধুবুৰী জিলাৰ পশ্চিমবংগ সীমান্তৰ ছাগলীয়া কোৱাৰেণ্টাইন কেন্দ্রটোত অস্বাস্থ্যকৰ পৰিৱেশত আছে বুলি অভিযোগ কৰিছে তিনি শতাধিক আৱাসীয়ে৷ বহিঃৰাজ্যৰ পৰা অহা যুৱকসকলে কোৱাৰেণ্টাইনত থাকি অভিযোগ কৰে যে কোৱাৰেণ্টাইন চেণ্টাৰত প্রয়োজনীয় পানী নথকাৰ লগতে শৌচাগাৰসমূহ পৰিষ্কাৰ নকৰে৷
সময়মতে চাফাই কর্মীয়ে কোৱাৰেণ্টাইন চেণ্টাৰত কাম নকৰাৰ বাবে এনে সমস্যা হোৱা বুলি আৱাসীসকলে অভিযোগ কৰিছে৷ আনহাতে, খাদ্যবস্তু সময়মতে নিদিয়া বুলিও অভিযোগ কৰে৷ এনে অভিযোগ তুলি কালি আৱাসীসকল পুৱাই উত্তপ্ত পৰিস্থিতিৰ সৃষ্টি কৰে৷