ছয়গাঁও আঞ্চলিক ছাত্ৰ সন্থাৰ লগতে বিভিন্ন দল সংগঠনে বিদায় সম্ভাষণ জনালে ছয়গাঁও ৰাজহ চক্ৰ বিষয়া ডঃ প্ৰীতিলেখা ডেকাক

নিয়মীয়া বাৰ্তা, ৭ আগষ্ট : দক্ষিণ কামৰূপৰ ছয়গাঁও ৰাজহ চক্ৰ কাৰ্যালয়ৰ চক্ৰ বিষয়া ডঃ প্ৰীতিলেখা ডেকাক আজি ছয়গাঁও ৰাজহ চক্ৰ বিষয়া কাৰ্যালয়ত বিভিন্ন দল সংগঠনে আহি বিদায় সম্ভাষণ জনায় । উল্লেখ্য যে চক্ৰ বিষয়া গৰাকীয়ে ছয়গাঁও ৰাজহ চক্ৰ বিষয়া কাৰ্যালয়ত যোগদান কৰাৰে পৰা ছয়গাঁৱৰ বিভিন্ন দল সংগঠনৰ লগত সু-সম্পৰ্ক ৰক্ষা কৰি আহিছিল । লগতে চক্ৰ বিষয়া গৰাকীয়ে ছয়গাঁৱৰ প্ৰতিটো সমস্যা গুৰুত্ব সহকাৰে লৈ সমাধান কৰাৰ বাবে চেষ্টা চলাইছিল । যাৰ বাবে বিষয়াগৰাকী সকলোৰে লগত এটা সু-সম্পৰ্ক গঢ়ি উঠিছিল ।

চক্ৰ বিষয়া গৰাকীয়ে কয় যে তেওঁ ছয়গাঁৱত ৩ বছৰ কাম কৰি যথেষ্ট অভিজ্ঞতা হোৱা বুলি কৈ ছয়গাঁৱৰ মানুহখিনিৰ পৰা বিভিন্ন সময়ত সহায়-সহযোগিতা পোৱা বুলি কয় । লগতে ছয়গাঁৱবাসীৰ কথা সদায়ে মনত থাকিব বুলি তেওঁ কয় । চক্ৰ বিষয়াগৰাকীৰ বিদায় ক্ষণত আজি ছয়গাঁও আঞ্চলিক ছাত্ৰ সন্থা, ছয়গাঁও আঞ্চলিক ছাত্ৰ সন্থাৰ প্ৰাক্তন বিষয়ববীয়া, ছয়গাঁও আঞ্চলিক ৰাভা ছাত্ৰ সন্থা, ছয়গাঁও শিল্পী সমাজ, গাঁও বুঢ়া সন্থা, ৰাজনৈতিক দলৰ নেতা-কৰ্মীৰ লগতে বিভিন্ন অনুষ্ঠান তথা ব্যক্তিয়ে বিদায় সম্ভাষণ জনায় । উল্লেখ্য যে ছয়গাঁও ৰাজহ চক্ৰ বিষয়া কাৰ্যালয় তৰফৰ পৰা চক্ৰ বিষয়াগৰাকীক বিশেষ ভাবে বিদায় সম্ভাষণ জনায় ।