নিয়মীয়া বাৰ্তা ২০ জুলাইঃ নিখিল বড়ো হাৰিমু (সাংস্কৃতিক) আফাদৰ ২৯ সংখ্যক প্ৰতিষ্ঠা দিৱসটি ধেমাজি জিলা বড়ো হাৰিমু আফাদৰ উদ্যোগত সানজাৰি নৌগৌৰৰ চিমেন চাপৰিস্থিত সতীশ বসুমতাৰী বড়ো হাইস্কুলৰ খেলপথাৰত অনুষ্ঠিত কৰা হয়। প্ৰতিষ্ঠা দিৱসৰ পুৱা ৯ পুৱা বজাত পতাকা উত্তোলন কৰে ধেমাজি জিলা বড়ো হাৰিমু আফাদৰ সভাপতি নাথুৰাম মুছাহাৰীয়ে। ইয়াৰ পাছতে পুৱা ১০ বজাৰ পৰা এখন সাংস্কৃতিক আলোচনা সভা অনুষ্ঠিত হয়। নাথুৰাম মুছাহাৰীৰ পৌৰোহিত্যত অনুষ্ঠিত সভাৰ আতঁধৰাৰ লগতে উদ্দেশ্য ব্যাখ্যা আগবঢ়ায় ধেমাজি জিলা বড়ো হাৰিমু আফাদৰ সাধাৰণ সম্পাদক অজিত বসুমতাৰীয়ে। অনুষ্ঠানত কন্ঠ শিল্পী তথা ধেমাজি জিলা বড়ো হাৰিমু আফাদৰ উপদেষ্টা নিৰ্মল ব্ৰহ্ম, হেমেশ্বৰ বড়ো, বড়ো বোলছবিৰ প্ৰযোজক, অভিনেতা প্ৰবীণ বড়ো, ধেমাজি জিলা সংযুক্ত বড়ো গণ মঞ্চৰ সাধাৰণ সম্পাদক দিপাঙ্কৰ নাৰ্জাৰী উপস্থিত থাকি বড়ো সকলৰ সাংস্কৃতিক দিশৰ উত্তৰণ,ইয়াৰ প্ৰচাৰ, প্ৰসাৰৰ ক্ষেত্ৰত বড়ো হাৰিমু আফাদে হাতত লৈ অহা ভূমিকা আৰু কৰ্মৰাজিৰ বিষয়ে আলোচনা আগবঢ়ায়।