নিয়মীয়া বাৰ্তা, ৫ অক্টোবৰঃ গ্রামাঞ্চলৰ প্ৰতিভাৱান ক্ৰিকেটাৰসকলৰ প্ৰতিভা বিকাশ তথা ৰাজ্যিক আৰু ৰাষ্ট্ৰীয় পৰ্যায়ত পৰিচয় কৰাই দিয়াৰ লক্ষ্যৰে অসম ক্ৰিকেট সন্থাই গ্ৰহণ কৰিছে অভিলাসী আঁচনি।
সেই উদ্দেশ্যে কালি মৰিগাঁৱত উপস্থিত হয় এ চি এৰ সম্পাদক দেৱজিৎ লণ শইকীয়া, প্ৰাক্তন ৰঞ্জি ক্ৰিকেটাৰ নাচিৰ গুল খান, মুকুট কলিতা আদি।
নটোৱাগাঁওস্থিত হৰি মন্দিৰ প্ৰেক্ষাগৃহত তিৱা স্বায়ত্ত পৰিষদৰ মুখ্য কাৰ্যবাহী তথা মৰিগাঁও জিলা ক্ৰীড়া সন্থাৰ সভাপতি পৱন মানতাৰ সভাপতিত্বত অনুষ্ঠিত হোৱা এখন সভাত ক্ৰিকেট গ্ৰাউণ্ড স্থাপনৰ বিষয়টো ৰাইজৰ আগত উত্থাপন কৰা হয়।