নিয়মীয়া বাৰ্তা, ৭ আগষ্ট : দক্ষিণ কামৰূপৰ ছয়গাঁৱৰ বামুণীগাঁৱত ৰে’লৱে ট্ৰেকত আজি পুৱা এগৰাকী মহিলাৰ মৃতদেহ উদ্ধাৰ হোৱাক কেন্দ্ৰ কৰি সমগ্ৰ অঞ্চলজুৰী তীব্ৰ চাঞ্চল্যৰ সৃষ্টি হয় ৷
ঘটনাৰ বিৱৰণীত জানিব পৰা মতে, আজি পুৱা উক্ত স্থানত মহিলা গৰাকীৰ মৃতদেহটো স্থানীয় লোকে প্ৰত্যক্ষ কৰি ছয়গাঁও আৰক্ষী থানাত লগে লগে খবৰ দিয়ে ৷ ছয়গাঁও আৰক্ষীয়ে খবৰ পোৱাৰ পিচতে মৃতদেহটো উদ্ধাৰ কৰি ছয়গাঁও আৰক্ষী থানালৈ লৈ আহে ৷ বাতৰি লিখা পৰলৈ চিনাক্ত নোহোৱা মৃতদেহটো ছয়গাঁও আৰক্ষীয়ে মৰণোত্তৰ পৰীক্ষাৰ বাবে গুৱাহাটীলৈ প্ৰেৰণ কৰে ৷