নিয়মীয়া বাৰ্তা, ৫ জুলাইঃ ডিব্ৰুগড় জিলাৰ চাবুৱাস্থিত জিলা শিক্ষা আৰু প্ৰশিক্ষণ প্ৰতিষ্ঠানে (ডায়েট) আয়োজন কৰা ‘কভিড-১৯’ বিষয়ক অনলাইন কবিতা প্ৰতিযোগিতাৰ ফলাফল আজি ঘোষণা কৰা হয়।
ঘোষিত ফলাফল অনুযায়ী আকাশ দেৱনাথে প্ৰথম, কল্পনা হাতীবৰুৱাই দ্বিতীয়, পৰিস্মিতা গগৈ আৰু পুণেশ্বৰ দাসে যুটীয়াভাবে তৃতীয় স্থান লাভ কৰিবলৈ সক্ষম হয়। সাম্প্ৰতিক পৰিস্থিতিৰ ওপৰত লক্ষ্য ৰাখি প্ৰতিষ্ঠানটোৰ কৰ্তৃপক্ষৰ সিদ্ধান্ত অনুযায়ী অহা ১৫ আগষ্ট স্বাধীনতা দিৱসৰ দিনা পুৰস্কাৰ সমূহ বিতৰণ কৰা হ’ব । আয়োজক সমিতিয়ে প্ৰতিযোগিতাখনত অংশগ্ৰহণ কৰা সকলো প্ৰতিযোগীলৈ ধন্যবাদ জ্ঞাপন কৰিছে ।