নিয়মীয়া বাৰ্তা, ১৭ ফেব্ৰুৱাৰীঃ নগাঁও আৰক্ষীয়ে ড্ৰাগছৰ বিৰুদ্ধে অভিযান চলাই আছে ৷ এই অভিযানৰ অংশ হিচাপে যোৱানিশা এক গোপন সূত্ৰৰ পম খেদি নগাঁও আৰক্ষীয়ে অভিযান চলাই কদমনি পথৰ পৰা এজন ড্ৰাগছ সৰবৰাহকাৰীসহ বুজন পৰিমাণৰ হেৰোইন জব্দ কৰে ৷ আৰক্ষীয়ে এই সন্দৰ্ভত কদমনি পথৰ ৰফিকুল ইছলাম নামৰ এজন ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয় ৷ আৰক্ষীয়ে ৰফিকুলৰ জিম্মাৰ পৰা হেৰোইনভৰ্তি এটা চাবোনৰ বাকচ আৰু ১৫টা খালী প্লাষ্টিক কন্টেইনাৰ জব্দ কৰে ৷ আৰক্ষীয়ে জব্দ কৰা হেৰোইনখিনিৰ ওজন ১১.৮৪ গ্ৰাম । উল্লেখ্য যে ধৃত ৰফিকুলে দীৰ্ঘদিন ধৰি জিলাখনৰ বিভিন্ন স্থানত ড্ৰাগছৰ ৰমৰমীয়া ব্যৱসায় চলাই আহিছিল ৷
প্ৰেৰক কনক হাজৰিকা