নিয়মীয়া বাৰ্তা, ৭জানুৱাৰী –ডিব্ৰুগড়ৰ লাহোৱালত আজি সন্ধিয়া ডিব্ৰুগড় উপ আৰক্ষী অধীক্ষক বিতুল চেতিয়াই এক গোপন সূত্ৰৰ পম খেদি লাহোৱাল থানাৰ ভাৰপ্ৰাপ্ত আৰক্ষী বিষয়া মনোজ্বল গগৈৰ সহযোগত তিনি ড্ৰাগছ সৰবৰাহকাৰীক মোহনবাৰীৰ বাইপাছত হাতে লোটে আটক কৰিবলৈ সক্ষম হয়। তিনি ড্ৰাগছ সৰবৰাহকাৰীৰ পৰা নগদ ৫লাখ ৪৪হাজাৰ টকা সহ আন্তৰাষ্ট্ৰীয় বজাৰ অনুসৰি প্ৰায় ২০লক্ষাধিক টকাৰ ৩৫ গ্ৰাম ড্ৰাগছ উদ্ধাৰ কৰাৰ লগতে AS-06-Q0436 নম্বৰৰ এখন ব’লেৰ বাহনৰ লগতে AS23K1089 আন এখন এল্ট বাহনসহ ৫টাকৈ মোবাইল জব্দ কৰে ৷ আৰক্ষীয়ে আটক কৰা তিনি ড্ৰাগছ সৰবৰাহকাৰী ক্ৰমে তিনিচুকীয়াৰ ৰূপজিৎ বৰুৱা (২৮),যোৰহাট তিতাবৰৰ দাদু বৰুৱা(৪৩) আৰু যোৰহাট তিতাবৰ মাধুপুৰৰ মুকুল বৰুৱা (২৪)বুলি জানিব পৰা গৈছে ।তিনি ড্ৰাগছ সৰবৰাহকাৰীয়ে গোলাঘাটৰ পৰা ধেমাজি,ডিব্ৰুগড় আৰু তিনিচুকীয়াত যোগান ধৰিব আহোতেই এক গোপন সূত্ৰৰ পম খেদি আৰক্ষীয়ে মোহনবাৰী বাইপাছৰ পৰা কেইওজনকে আটক কৰিবলৈ সক্ষম হয় ৷
