নিয়মীয়া বাৰ্তা, ২২ মাৰ্চঃ ৰাজ্যৰ প্ৰথম পৰ্যায়ৰ বিধানসভা নিৰ্বাচনৰ ভোটগ্ৰহণলৈ মাজতে ৫ টা দিন বাকী থকাৰ সময়তে আজি সোণাৰি চাপৰিত ভাৰতীয় জনতা পাৰ্টীৰ মিত্ৰজোঁটৰ প্ৰাৰ্থী নৱ কুমাৰ দলেই বাইক ৰেলীৰে মাৰাথন নিৰ্বাচনী প্ৰচাৰ চলাই পঞ্চায়তখনত নিৰ্বাচনী বতাহ উত্তপ্ত কৰি তোলে ৷
প্ৰাৰ্থীগৰাকীয়ে বিশাল সমদল লৈ বাইক চলাই দলে বলে সোণাৰি চাপৰি গাঁও পঞ্চায়তৰ অন্তৰ্গত কেঁকুৰি কছাৰী গাঁৱত উপস্থিত হৈ নিৰ্বাচনী প্ৰচাৰ উত্তপ্ত কৰি তোলে ৷
প্ৰাৰ্থীগৰাকীৰ লগত আজি এই প্ৰচাৰ সভাত অসম গণ পৰিষদৰ কেন্দ্ৰীয় সমিতিৰ উপ-সভাপতি মহেশ দলে, বিজেপিৰ ৰাজ্যিক সদস্য বসন্ত শইকীয়া, ঘিলামৰা মণ্ডল বিজেপিৰ সভাপতি চন্দ্ৰেশ্বৰ গগৈ, সোণাৰি চাপৰি গাঁও পঞ্চায়তৰ সভাপতি মনজিত সোণোৱালৰ লগতে বহুসংখ্যক দলীয় নেতা-কৰ্মীয়ে সংগ দিয়াৰ লগতে সোণাৰি চাপৰি কেঁকুৰি গাঁও পঞ্চায়তৰ বহু সংখ্যক দলীয় নেতা-কৰ্মীয়ে সংগ দিয়ে ৷