নিয়মীয়া বাৰ্তা ১৯আগষ্টঃ চিৰাং জিলা বিজনীৰ ঝাৰবিষপানীৰ ১ নং বিষ্ণুপুৰ বজাৰত বন্যহস্তীৰ আক্ৰমণত নিহত এজন চাহ দোকানীৰ । নিহত দোকানী জনৰ নাম অধৰ মেধি(৬১)। পুৱা ১ নং বজাৰস্থিত নিজৰ চাহ দোকানত সামগ্ৰী বনাবলৈ আহোতে বন্যহস্তীৰ আক্ৰমণত মৃত্যু হয় দোকানী জনৰ।ঘটনাস্থলিত বন বিভাগৰ লোক উপস্থিত হয় । মৃতকৰ পৰিয়ালক ১০ লাখ টকা ক্ষতিপূৰণ দিয়াৰ দাবী সদৌ বিটিচি বাঙালী যুৱ ছাত্র ফেডাৰেচনৰ।
ইফালে চিৰাঙৰ বিজনীৰ ভাৰত-ভূটান সীমান্তৰ ৫নং নতুন মাটিৰ B চেক্টৰত অঘটন। হাতী প্ৰতিৰোধী বৈদ্যুতিক তাঁৰত লাগি নিহত এটা বন্যহস্তীৰ । অৰুণ নাৰ্জাৰী নামৰ এজন লোকৰ ভূমিত এই শোকাৱহ দুৰ্ঘটনা সংঘটিত হয় ।