নিয়মীয়া বাৰ্তা ২০ মাৰ্চঃ প্ৰাক্তন কংগ্ৰেছী ড০ অৰ্ধেন্দু দেৰ পিছতেই এইবাৰ প্ৰাৰ্থিত্বৰ পৰা বঞ্চিত হৈ কংগ্ৰেছ ত্যাগ কৰিলে প্ৰাক্তন মন্ত্রী তথা বটদ্ৰৱাৰ প্ৰাক্তন বিধায়ক গৌতম বৰাই । প্ৰাৰ্থিত্বৰ পৰা বঞ্চিত হোৱাৰ পিছতেই নিজৰ কেইজনমান সমৰ্থকক লগত লৈ কংগ্ৰেছ ত্যাগ কৰিলে বটদ্ৰৱা সমষ্টিৰ প্ৰাক্তন বিধায়ক তথা প্ৰাক্তন মন্ত্ৰী গৌতম বৰাই । শনিবাৰে এক সংবাদমেল আয়োজন কৰি দলত্যাগৰ কথা ঘোষণা কৰিলে কংগ্ৰেছৰ প্ৰাক্তন মন্ত্ৰী গৰাকীয়ে ।
উল্লেখযোগ্য যে, বিগত বিধানসভা নিৰ্বাচনত কংগ্ৰেছৰ প্ৰাৰ্থিত্ব লাভ কৰিও বিজেপি প্ৰাৰ্থী আঙুৰলতা ডেকাৰ হাতত পৰাজিত হৈছিল গৌতম বৰা । দলীয় নেতৃত্বৰ অভাৱ আৰু লবীকেন্দ্রিক ৰাজনীতিৰ বাবেই এই সিদ্ধান্ত গ্ৰহণ কৰা বুলি উল্লেখ কৰি সাংসদ গৌৰৱ গগৈৰ বিৰুদ্ধে ক্ষোভ উজাৰে দলত্যাগী গৌতম বৰাই । ৰাষ্ট্ৰীয় দলত যোগদান কৰিব বুলি সংবাদ মাধ্যমক জনায় গৌতম বৰাই । অসমত মহাজোঁট বন্ধনে চৰকাৰ গঠন কৰিব নোৱাৰে বুলিও কটাক্ষ কৰে গৌতম বৰাই । কংগ্ৰেছ ত্যাগ কৰা গৌতম বৰাৰ বিজেপিত যোগদান কৰাৰ সম্ভাৱনা অধিক ।