নিয়মীয়া বাৰ্তা, ১৭ অক্টোবৰ: দুলীয়াজানৰ কাষৰীয়া কছাৰী পথাৰ আলোক সংঘৰ উদ্যোগত আজিৰে পৰা কছাৰী পথাৰ উচ্চ মাধ্যমিক বিদ্যালয়ৰ খেল পথাৰত এমহীয়া ফুটবল প্ৰশিক্ষণ শিবিৰ আয়োজন কৰা হৈছে । ১০ বছৰৰ পৰা ১৮ বছৰলৈ আৰু প্ৰায় ১০০ গৰাকী খেলুৱৈয়ে অংশগ্ৰহণ কৰা শিৱিৰটোত প্ৰশিক্ষণ প্ৰদান কৰিছে অসম ফুটবল সন্থাৰ স্বীকৃতিপ্ৰাপ্ত প্ৰশিক্ষক ৰঞ্জন গোঁহাইয়ে ।
অসম ফুটবল সন্থাৰ প্ৰাক্তন সহ-সম্পাদক ৰণধীৰ দাসে আজি শুভাৰম্ভ কৰা শিৱিৰটোত উপস্থিত থাকে প্ৰাক্তন ৰাজ্যিক খেলুৱৈ ত্ৰিদিৱ খাউণ্ড, সোণোৱাল কছাৰী স্বায়ত্তশাসিত পৰিষদৰ কাৰ্য্যবাহী সদস্য ৰিদীপ হাজৰিকা, কছাৰী পথাৰ আলোক সংঘৰ সভাপতি অনিল দাস, সাঃ সম্পাদক গুৰুপ্ৰসাদ খাখ্লাৰী, উপদেষ্টা নকুল খাখ্লাৰী, অইল ইণ্ডিয়া লিমিটেডৰ খেলুৱৈ ত্ৰিদিৱ হাজৰিকা, সাংবাদিক শৈলেন গগৈ আৰু অন্যান্য ।
অহা ২০ নৱেম্বৰত সামৰণি পৰিবলগীয়া এই প্ৰশিক্ষণ শিৱিৰত অংশগ্ৰহণ কৰিবলৈ বিচৰা ইচ্ছুক প্ৰশিক্ষাৰ্থীসকলক ৭০৮৬১-০৮১৬৭ আৰু ৭০০২৮-৯০৯৬৫ নম্বৰত যোগাযোগ কৰিবলৈ অনুৰোধ জনাইছে উদ্যোক্তাসকলে।