নিয়মীয়া বাৰ্তা, ৮ মাৰ্চঃ সোণেশ্বৰস্থিত পুঠিমাৰী উ: মা: বিদ্যালয়ৰ ১৯৭৩-৭৪ বৰ্ষৰ একাদশ আৰু দ্বাদশ শ্ৰেণীৰ চূড়ান্ত বৰ্ষ আৰু উক্ত বৰ্ষত একেলগে নামভৰ্তি কৰা প্ৰাক্তন ছাত্ৰ-ছাত্ৰীসকলৰ মাজত বিভিন্ন কাৰ্যসূচীৰে বিদ্যালয়খনৰ চৌহদত এখন প্ৰীতিসভা অনুষ্ঠিত কৰিবলৈ মনস্থ কৰিছে উক্ত সময়ৰ ছাত্ৰ-ছাত্ৰীয়ে।
এক নষ্টালজিয়াৰ মাজত এটা দিন পাৰ কৰাৰ লগতে পুৰণি সহপাঠীসকলৰ সৈতে সুখ-দুখৰ সমভাগী হোৱাৰ ইচ্ছাৰে দেওবাৰ, ১৪/০৩/২০২১ তাৰিখে অনুষ্ঠিত হ’ব এই প্ৰীতি সভা। শৰৎ কুমাৰ কলিতাক সভাপতি, মহেশ্বৰ কলিতা আৰু ভৰত চন্দ্ৰ কলিতাক সম্পাদক ৰূপে লৈ গঠন কৰা হৈছে এখন সমিতি।
সমিতিৰ সভাপতি শৰৎ কুমাৰ কলিতাই জানিবলৈ দিয়া মতে, উক্ত সভাত প্ৰাক্তন শিক্ষাগুৰুসকলো উপস্থিত থাকিব। দিনৰ ৯ বজাৰ পৰা অনুষ্ঠিত হ’বলগীয়া সভালৈ প্ৰতিগৰাকী প্ৰাক্তন ছাত্ৰ-ছাত্ৰীৰ উপস্থিতি কামনা কৰা হৈছে।
আনহাতে সমিতিয়ে এইক্ষেত্ৰত ৯৮৫৪০-৩৭০৬৯, ৯৪৩৫৩-০৮০৫৯ আৰু ৯৪৩৫৭-০৭১৪৩ নম্বৰত যোগাযোগৰ বাবে আহ্বান জনাইছে।