নিয়মীয়া বাৰ্তা, ১৩ জুলাইঃ দ্বিতীয় দিনাও অপৰিৱৰ্তিত অৱস্থাত আছে বাগসাৰ গোৰেশ্বৰৰ বান পৰিস্থিতি।পুঠিমাৰী নৈৰ মথাউৰি নাৰামাৰিত ছিগি নিয়াৰ ফলত বাঘডোবা,নাৰামাৰী,সোনমহৰি,হাৰিযোৰাকে ধৰি অৰ্ধ শতাধিক গাঁও জলমগ্ন হৈ পৰিছে।
বানৰ ফলত বহুকেইখন গাঁওৰ ঘৰ-দুৱাৰৰ উপৰিও ৰাজপথত এককাল পৰ্যন্ত পানী হৈছে।আনহাতে নৈখনে চেনীগাঁওৰ নিজকছুলাত ভগ্ন মথাউৰিৰে পানী সোমাই অহাত ৩৬ টাকৈ পৰিয়ালে আশ্ৰয় শিৱিৰত থাকিব লগীয়া হৈছে।৫৯২ নং নিজকছুলা প্ৰাথমিক বিদ্যালয়ত ৩৬ টা পৰিয়ালৰ দুই শতাধিকলোকে আশ্ৰয় গ্ৰহণ কৰিছে।
আনহাতে আশ্ৰয় শিৱিৰত চৰকাৰে খাদ্য সামগ্ৰি পৰ্যাপ্ত পৰিমানে যোগান নধৰাৰো অভিযোগ উত্থাপিত হৈছে।