নিয়মীয়া বাৰ্তা ১ ছেপ্টেম্বৰঃ ধুবুৰী জিলাৰ গৌৰীপুৰৰ সমীপৰ দাওভাংগী আৰক্ষী চকীৰ অন্তর্গত সুখ্যাতিখাতা গাঁৱৰ এগৰাকী খেতিয়কৰ ঘৰত কালি এটা গৰুৱে ৪টা পোৱালি জন্ম দিয়ে৷ গাঁওখনৰ ছিৰাজুল হক নামৰ ব্যক্তিজনৰ পোহনীয়া গাইগৰুজনীয়ে পোৱালিকেইটা জন্ম দিয়ে৷
আটাইকেইটা পোৱালি বর্তমানে সুস্থ অৱস্থাত আছে বুলি পশুপালন বিভাগৰ এটা সূত্রই জানিবলৈ দিছে৷ ইপিনে, ৪টাকৈ পোৱালি জন্ম হোৱাৰ খবৰে অঞ্চলটোত চাঞ্চল্য সৃষ্টি কৰিছে৷