নিয়মীয়া বাৰ্তা, ২৩ জুলাই : অসম বডি বিল্ডিং এচ’ছিয়েশ্যন আৰু যোৰহাট বডি বিল্ডিং ফিজিক এচ’ছিয়েশ্যনৰ প্ৰতিষ্ঠাপক তথা সমাজ সংগঠক ৰাজেন্দ্ৰ প্ৰসাদ কানুৰ কালি হৃদৰোগত আক্ৰান্ত হৈ দেহাৱসান ঘটাত যোৰহাট ফিজিক এচ’ছিয়েশ্যন আৰু যোৰহাট জিলা এচ’ছিয়েশ্যন অৱ বডি বিল্ডাৰ্ছৰ তৰফৰ পৰা গভীৰ শোক প্ৰকাশ কৰিছে। যোৰহাট জিলা এচ’ছিয়েশ্যন অৱ বডি বিল্ডাৰ্ছৰ সাধাৰণ সম্পাদক সুশীল বৰদলৈয়ে আজি এক বিবৃতি যোগে জনাই যে অসমৰ বডি বিল্ডিঙৰ পিতৃ স্বৰূপ ৰাজেন্দ্ৰ প্ৰসাদ কানু বিয়োগত তেওঁলোক অতিকৈ মৰ্মাহত হোৱাৰ লগতে ই এক অপুৰণীয় ক্ষতি। যোৰহাট জিলা এচ’ছিয়েশ্যন অৱ বডি বিল্ডাৰ্ছৰ প্ৰতিগৰাকী সদস্য কানুৰ আৱৰ্তমানত অভিভাৱকহীন হৈ পৰিছে। ইফালে এচ’ছিয়েশ্যনৰ হৈ লাল বাহাদুৰ পাছোৱান, প্ৰশান্ত বৰা, ৰঞ্জিত শইকীয়া, মুকুট মণি শইকীয়া, বিনীত দাস, দিপাংকৰ খাৰঘৰীয়া, ৰবি শৰ্মা, মুকুট দাস, চানদ্বীপ বৈদ্য, পৱিত্ৰ কলিতা, সুজাতা শৰ্মা আদিয়েও ৰাজেন্দ্ৰ প্ৰসাদ কানুৰ বিয়োগত গভীৰ শোক প্ৰকাশ কৰি শোকসন্তপ্ত পৰিয়াললৈ সমবেদনা জ্ঞাপন কৰিছে।