নিয়মীয়া বাৰ্তা, ২৬ আগষ্ট: দক্ষিণ কামৰূপৰ ছয়গাঁৱত বুধবাৰে দিনৰ প্রায় ১.৩০ বজাত যাত্রীবাহী ৰে’ল এখন লাইনচ্যুত হয়৷ গুৱাহাটীৰ পৰা হাওৰা অভিমুখে গৈ থকা অৱস্থাত শৰাইঘাট এক্সপ্রেছ নামৰ ৰে’লখন ছয়গাও ষ্টেচনত দুর্ঘটনাত পতিত হয়৷
কামাখ্যা–যোগীঘোপা ৰে’লপথত লাইনচ্যুত হৈ ৰে’লখনৰ পাঁচটা দবা পথৰ পৰা নামি যায়৷ ফলত ৰে’লপথৰ কিছু পৰিমাণে ক্ষতি হয় যদিও কোনো যাত্রী হতাহত হোৱা নাই৷ অৱশ্যে এই দুর্টঘনাটো কিহৰ বাবে হ’ল সেয়া স্পষ্ট হোৱা নাই৷
উল্লেখ্য যে এই দুর্ঘটনাৰ পৰা শতাধিক লোক কথমপি ৰক্ষা পৰে৷ বহু ৰে’লযাত্রী পুনৰ গুৱাহাটী অভিমুখে গাড়ীত উভতি যায়৷